A FEDERACIÓN GALEGA CONVOCA NOVAS XORNADAS DE TECNIFICACIÓN
Fonte: Web da Fgvb
Dentro do plan de tecnificación para a tempada 14-15, a FGVB vén convocando nos últimos meses unha serie deXornadas de Adestramento para as categorías infantil e cadete (masculino e feminino). Estas xornadas son abertas a todos os que se queiran inscribir, e teñen un custo de 20 euros por participante (con comida incluída).
Tras o éxito das concentracións organizadas durante os meses de outubro e novembro, no mes de decembro a FGVB convoca novas datas de celebración.
Como en ocasións anteriores, estas xornadas consistirán en adestramentos de mañá e tarde baixo a dirección dos seleccionadores galegos e os seus adestradores axudantes. Tras as sesións previstas para decembro e xaneiro, estas xornadas darán paso posteriormente, cos xogadores/as que resulten seleccionados, ás concentracións de entroido e semana santa previas aos Campionatos de España de Seleccións.
As inscricións faranse por correo eletrónico, dirixido á Fgvb e ao Director Técnico (correo@fgvb.es e dtecnico@fgvb.es),debendo incluír nome e apelidos, club de pertenza, data de nacemento e teléfono de contacto, achegando ademaiscopia da transferencia de ingreso dos 20 euros de cota no nº de conta da Fgvb: ES71 0081 0499 6400 0137 8440
O prazo límite de inscrición para cada xornada finaliza ás 18:00 horas do mércores anterior á súa celebración.
Datas confirmadas:
7 Decembro: en Noia, Infantil feminino (Para xogadoras de Pontevedra e Ourense)
7 Decembro: en Noia, Cadete feminino
7 Decembro: en A Coruña, Cadete masculino
8 Decembro: en Noia Infantil feminino ( Para xogadoras de A Coruña e Lugo)
8 Decembro: Boiro/Noia: Infantil masculino