Arquivos do autor: admin

Natasha Valente ficha polo Arenal Emevé

Publicado el por

NATASHA VALENTE (Oposta, 1989) será unha das nosas #loitadoras a próxima tempada.

Tras xogar nos mellores clubs de Brasil e gañar os Campionatos Paulista e Carioca, representar ao seu país na Selección Brasileira de Volei Praia e vivir a pasada tempada a súa primeira experiencia europea no NIS Spartak da Superliga Serbia, chega ao noso club para aportar a súa experiencia e a súa polivalencia.
Natasha é un xogadora determinante na rede, tanto en ataque como en bloqueo, pero que tamén demostrou ser unha gran receptora. Todo un comodín para Jose Valle, que suma así unha nova internacional ao seu plantel.
Benvida Natasha, esta é a túa casa.
ARENAL EMEVÉ, UNHA TEMPADA DE CINEMA

 

Arenal Emevé: Cassie Bujan

Publicado el por

ARENAL EMEVÉ PRODUCTIONS presenta:
“Arenal Emevé: Cassie Bujan”
ARGUMENTO: Ano 2077, Cassie descobre que é unha superatleta creada para sobresaír en calquera deporte. Como tal está equipada con implantes cibernéticos e un traxe biosintético que lle proporcionan distintas habilidades (máis forza, reflexos felinos, supervelocidade…). Tras dubidar entre os seus dúas grandes paixóns, o fútbol e o voleibol, decídese por este último e empeza a brillar.
Sen saber moi ben cómo, Cassie métese nunha máquina do tempo que a leva ao ano 2020 e a unha cidade do Noroeste español. Alí decide unirse ao seu equipo de volei, onde aproveitará todas os seus superhabilidades para axudar ás súas compañeiras #loitadoras a converterse nun dos mellores equipos xamais vistos no seu tempo.
ARENAL EMEVÉ, UNHA TEMPADA DE CINEMA

 

Cassandra (Cassie) Bujan. Arenal Emevé.

Publicado el por
( Líbero, 1996) Xa é oficialmente una das nosas #loitadoras.
En palabras do noso Director Deportivo, Juan Villar: “a Internacional canadense é unha xogadora nova aínda que con gran experiencia. Coa súa fichaxe téntase dar un salto de calidade na defensa do equipo, será a encargada de dirixir todo o noso xogo defensivo, toda a nosa recepción. Tennos que dar a pausa e a calma que necesita o noso equipo, que peca un pouco de mocidade e pode poñerse nervioso neste tipo de xogadas”.
Un reforzo de luxo que dará un punto máis de espectacularidade ao noso xogo e que, a non seguro, depararanos momentos inesquecibles.
Benvida Cassie, goza e fainos gozar!!!
ARENAL EMEVÉ, UNHA TEMPADA DE CINEMA

 

Arenal Emevé: Razvan Tarta

Publicado el por
ARENAL EMEVÉ PRODUCTIONS presenta:
“Arenal Emevé: Razvan Tarta”
ARGUMENTO: Razvan, é un xogador de voleibol que é recrutado polo Arenal Emevé para combater as múltiples ameazas que emerxe na Superliga Masculina de Voleibol. Razvan está acompañado dun importante grupo de #loitadores, un dos máis importantes na historia de Lugo, xuntos tentarán alcanzar os máis altos obxectivos xamais soñados.
ARENAL EMEVÉ, UNHA TEMPADA DE CINEMA

 

Razvan Tarta ao Arenal Emevé

Publicado el por

RAZVAN TARTA aterra en Lugo para reforzar o plantel de Superliga.
O polifacético xogador andaluz, tras gañalo todo polo sur de España, aposta polo noso club para seguir medrando profesionalmente.
Benvido ao teu novo club, benvido á túa nova casa!!
ARENAL EMEVÉ, UNHA TEMPADA DE CINEMA

 

Arenal Emevé: Vic Thor Bouza

Publicado el por
ARENAL EMEVÉ PRODUCTIONS presenta:
” VicThor Bouza”
ARGUMENTO: Unha tempada máis, os máis rudos equipos da Superliga Masculina de Voleibol regresan ao Municipal para cumprir os seus plans destrutores. VicThor debe enfrontarse a rival tras rival, algúns realmente parecen imposibles de deter e, desesperado, solicitará a axuda de todos os seus compañeiros #loitadores.
ARENAL EMEVÉ, UNHA TEMPADA DE CINEMA