O EMEVE DESPRÁZASE A MENORCA PARA ENFRONTARSE AO AVARCA
O sábado, 18 de outubro, ás 19 horas celebrarase no Pavelló Municipal D’Esports de Ciutadella, o encontro correspondente á segunda xornada da Superliga Femeninaa (SVF), entre o equipo localAvarca Menorca e o Emevé lucense.
O equipo lucense desprázase a Menorca para enfrontarse a un dos mellores equipos da liga, polo que se espera que sexa un partido moi complicado. As de Menorca contan cun equipo moi completo en todas as súas filas, entre a súa aliñación contan con xogadoras internacionais, como a súa colocadora Danira Costa e a receptoraRaquel Brun, e exinternacionales, o cal o converten, xunto co resto das súas xogadoras nun equipo compacto e sen fisuras. A pesar diso, o adestrador do Emevé, José del Valle, espera «render a bo nivel e seguir progresando para poder asentarnos o antes posible nesta categoría e disputar con máis garantía de vitoria os partidos de rivais directos».
O equipo do Emevé desprázase con dez xogadoras: Sara Folgueira,Alicia Rodríguez, Carmen Carvajal, Lucia Prol, Laura Villasante,Kaitlyn Skinner, María Pena, Sara Araujo, Carmen Saa e Nerea Novo. Viaxa sen Pepo Garrido, que non pode acudir por motivos laborais. O seu obxectivo é render como no encontro da xornada anterior e seguir, pouco a pouco situándose nesta nova categoría.