Arquivos do autor: admin

Arenal Emevé. A canteira á Superliga1

Publicado el por
ARENAL EMEVÉ PRODUCTIONS presenta:
“Arenal Emevé: A canteira á Superliga”
ARGUMENTO: Unha pequena cidade, un pequeno club de voleibol e unha serie de estrañas circunstancias manteñen intrigada a toda a comunidade do voleibol español.
Toda a comunidade únese para tentar desvelar os misterios que rodean ao Arenal Emevé de Lugo, ¿Como é posible que deste club desaparezan tantos mozos que aparecen posteriormente na Concentración Permanente da Selección Española? ¿Como é posible que esta pequena cidade sexa capaz de producir tal cantidade de canteiráns dun deporte minoritario? ¿Que fai que estes canteiráns rendan a tan alto nivel e cheguen a formar parte do primeiro equipo?
En resumo ¿Que estraño segredo envolve a canteira de “El Mejor Equipo de Voleibol de España”?
ARENAL EMEVÉ, UNHA TEMPADA DE CINEMA

 

De canteiráns a loitadores

Publicado el por

Nun club como o noso calquera éxito sería incompleto se non conseguísemos que os nosos canteiráns chegasen todos ó máis alto.
É un pracer anunciar que estes cinco xogadores lucenses do noso equipo xuvenil acompañarannos esta tempada na nosa nova aventura na Superliga Masculina de Voleibol.
Unha gran oportunidade para seguir medrando como deportistas, adestrando e xogando con xogadores do máis alto nivel.
Aproveitade e gozade moito, merecédelo.
ARENAL EMEVÉ, UNHA TEMPADA DE CINEMA

 

Arenal Emevé: Natasha Valente

Publicado el por

ARENAL EMEVÉ PRODUCTIONS presenta:
“Arenal Emevé: Natasha Valente”
ARGUMENTO: Natasha, unha moza brasileira que aparentemente leva unha vida fácil e alegre como xogadora de volei de éxito no seu país, coñece ao Arenal Emevé, un pequeno club de volei lucense, e as súas vidas cambian para sempre. O club enfróntase a outros clubs adiñeirados da Superliga Española mentres persegue o seu soño de converterse en campión. Pola súa banda, ela vive obsesionada con poder levar unha vida infestada de éxitos deportivos e novos titulos. Tras coñecerse, xa nada será igual.
ARENAL EMEVÉ, UNHA TEMPADA DE CINEMA

 

Natasha Valente ficha polo Arenal Emevé

Publicado el por

NATASHA VALENTE (Oposta, 1989) será unha das nosas #loitadoras a próxima tempada.

Tras xogar nos mellores clubs de Brasil e gañar os Campionatos Paulista e Carioca, representar ao seu país na Selección Brasileira de Volei Praia e vivir a pasada tempada a súa primeira experiencia europea no NIS Spartak da Superliga Serbia, chega ao noso club para aportar a súa experiencia e a súa polivalencia.
Natasha é un xogadora determinante na rede, tanto en ataque como en bloqueo, pero que tamén demostrou ser unha gran receptora. Todo un comodín para Jose Valle, que suma así unha nova internacional ao seu plantel.
Benvida Natasha, esta é a túa casa.
ARENAL EMEVÉ, UNHA TEMPADA DE CINEMA

 

Arenal Emevé: Cassie Bujan

Publicado el por

ARENAL EMEVÉ PRODUCTIONS presenta:
“Arenal Emevé: Cassie Bujan”
ARGUMENTO: Ano 2077, Cassie descobre que é unha superatleta creada para sobresaír en calquera deporte. Como tal está equipada con implantes cibernéticos e un traxe biosintético que lle proporcionan distintas habilidades (máis forza, reflexos felinos, supervelocidade…). Tras dubidar entre os seus dúas grandes paixóns, o fútbol e o voleibol, decídese por este último e empeza a brillar.
Sen saber moi ben cómo, Cassie métese nunha máquina do tempo que a leva ao ano 2020 e a unha cidade do Noroeste español. Alí decide unirse ao seu equipo de volei, onde aproveitará todas os seus superhabilidades para axudar ás súas compañeiras #loitadoras a converterse nun dos mellores equipos xamais vistos no seu tempo.
ARENAL EMEVÉ, UNHA TEMPADA DE CINEMA

 

Cassandra (Cassie) Bujan. Arenal Emevé.

Publicado el por
( Líbero, 1996) Xa é oficialmente una das nosas #loitadoras.
En palabras do noso Director Deportivo, Juan Villar: “a Internacional canadense é unha xogadora nova aínda que con gran experiencia. Coa súa fichaxe téntase dar un salto de calidade na defensa do equipo, será a encargada de dirixir todo o noso xogo defensivo, toda a nosa recepción. Tennos que dar a pausa e a calma que necesita o noso equipo, que peca un pouco de mocidade e pode poñerse nervioso neste tipo de xogadas”.
Un reforzo de luxo que dará un punto máis de espectacularidade ao noso xogo e que, a non seguro, depararanos momentos inesquecibles.
Benvida Cassie, goza e fainos gozar!!!
ARENAL EMEVÉ, UNHA TEMPADA DE CINEMA