MARÍA JOSÉ “PEPO” GARRIDO (Folgoso do Caurel) incorpórase como fisioterapeuta ao ARENAL EMEVÉ.
Cunha ampla traxectoria ás súas costas, Pepo é unha incorporación de luxo para o staff do noso club.
Iniciou a súa vida deportiva como xogadora de volei neste mesmo club, desde onde deu o salto a outros clubs de Superliga encadeando innumerables tempadas de éxitos.
Estes éxitos levárona tamén á Selección Española, onde debutou en 1999, con apenas 17 anos. Pepo foi unha das “culpables” da clasificación da Selección Española para disputar o seu primeiro Campionato de Europa.
Tras gañalo todo con capitá de Haro Rioxa, e tras unha grave lesión, decide volver ao noso club antes de terminar a súa carreira deportiva; compaxinando o seu labor nas pistas co seu traballo como fisioterapeuta no Ensino.
Pepo é, ademáis, a fisio da Selección Española Feminina de Voleibol. E agora @s nos@s #loitadores e #loitadoras poderán gozar dos seus coidados.
Benvida á túa casa, Pepo!!!
ARENAL EMEVÉ, DOBREMENTE SUPER!!
Aquivos por Categoría: Liga Iberdrola
Inés Rivas, renovada.
INÉS RIVAS (1998) afrontará a súa segunda tempada connosco coa ilusión de xogar na Superliga Feminina e o reto de alcanzar a ansiada permanencia. Sen dúbida, Inés será peza crave para conseguir este reto colectivo. Xogadora de equipo achega tanto dentro como fóra da pista.
Duro Inés, a por todas!!!!
ARENAL EMEVÉ, DOBREMENTE SUPER!!
Recepción no Concello. Recoñecemento ao Arenal Emevé polo ascenso á Liga Iberdrola.
RECEPCIÓN NO CONCELLO
Novo recoñecemento para nosas #loitadoras. Nesta ocasión foi o Concello de Lugo quen, a través da Alcaldesa Lara Méndez, do Concelleiro de Deportes Miguel Fernández, e acompañados de representantes do resto de grupos; recibiron a unha delegación do noso club formada polas xogadoras que conseguiron o ascenso á Superliga Feminina, xunto con técnicos e directiv@s.
Damos grazas ao Concello por este recoñecemento á vez que mostramos o noso orgullo por levar o nome de Lugo por todo o territorio español.
ARENAL EMEVÉ, DOBREMENTE SUPER!!
Día Mundial da Tapa, en lugo!
DÍA MUNDIAL DA TAPA 😋
Poucas cousas haberá (aparte do Arenal Emevé 😉, a muralla, a catedral, o casco histórico…) que fagan á nosa cidade mundialmente coñecida, e unha delas é a tapa. Porque non hai maior pracer que gozar dunha xornada de tapeo polos bares e restaurantes de Lugo en compañía dos nosos seres queridos.
Por iso hoxe, no Día Mundial da Tapa, decidimos facer un alto no camiño das presentacións, para gozar dunhas boas tapas nos bares e restaurantes lucenses onde comen habitualmente @s nos@s #loitadores e #loitadoras .
ARENAL EMEVÉ, RE-COMENDO TAPAS EN LUGO!!
Recepción da Deputación de Lugo ao equipo feminino.
RECEPCIÓN NA DEPUTACIÓN
Hoxe o Arenal Emevé tivo a honra de asistir, na Deputación de Lugo, a unha recepción polo ascenso das nosas #loitadoras á Superliga Feminina de Voleibol (Liga Iberdrola).
D. Efrén Castro, Deputado de Deportes, recibiu a unha delegación do noso club formada pola directiva e parte das xogadoras que conseguiron o ascenso á máxima categoría do voleibol nacional.
Desde o club queremos dar as grazas pola deferencia e prometemos seguir loitando para que o voleibol lucense siga representado na elite do voleibol español.
ARENAL EMEVÉ, DOBREMENTE SUPER!!
María R Sanjurjo, 3º temporada en el Arenal Emevé.
Outra loitadora que queda, a nosa MARÍA R. SANJURJO seguirá unha tempada máis facendo vibrar ao Municipal.
Con María conseguimos a renovación de todo o ” TRIO DE XUSTICIERAS”, un trío de xogadoras de voleibol formado por Sara Urrea, Inma Lavado e a propia María Sanjurjo, que fan das rúas lucenses un lugar moito máis seguro, interceptando e retendo un atracador para poñelo ao servizo da xustiza.
Seguro que, tamén nas pistas, saberedes impoñer a vosa lei.
Agora en serio María, moitas grazas pola confianza depositada en nós, sabes que é recíproca.
A por todas María, imos!!! ⚔️