Aquivos por Categoría: Super Liga Masculina 2

Uchenna Ofoha un novo loitador para Arenal Emevé.

Publicado el por

Un novo loitador chega ás nosas filas.
Uchenna Ofoha (204 cm) é un poderoso central canadense de orixe nixeriana.
Comezou xogando na Liga Universitaria de Canadá, defendendo as cores da Universidade de Reyerson. En 2017 feu o salto ás ligas europeas coa súa fichaxe polo equipo finés Kokkolan Tiikerit, xogando despois na Bundesliga alemá co CV Central e o Netzhoppers, desde onde chega ao noso club.
Uchenna conta ademais con experiencia defendendo a camiseta da Selección de Nixeria.
En palabras do seu anterior adestrador, Mirko Culic, é “un tipo atlético, de carisma positivo, que se integrou desde o primeiro momento no equipo”.
Desde o club aproveitamos para darlle a benvida e desexarlle un feliz aniversario, xa que hoxe cumpre 26 anos.
HAPPY BIRTHDAY TO YOU, HAPPY BIRTHDAY TO YOU … 🎶🎵🎶🎂🎂
Welcome #loitador !! ⚔️
ARENAL EMEVÉ, DOBREMENTE SUPER!!

Pau Mena súmase ao proxecto Arenal Emevé.

Publicado el por

PAU MENA (Receptor, 2001) únese ao grupo de #loitadores do ARENAL EMEVÉ para a próxima tempada.
Procedente da Concentración Permanente da Selección Española en Palencia, onde coincidiu con algúns dos que serán os seus compañeiros, dispón dunha ampla experiencia na alta competición, tanto a nivel de club como de Selección.
Os seus case 2 metros de altura axudarán a reforzar a nosa muralla na rede á vez que prometen moitos puntos en ataque.
Benvido Pau, a por todas!! ⚔️
ARENAL EMEVÉ, DOBREMENTE SUPER!!

Rubén López renova có Arenal Emevé.

Publicado el por

RUBÉN LÓPEZ GARCÍA (Central, 1999) afrontará a súa segunda tempada na máxima categoría do voleibol español, e farao da man do club que o descubriu e o formou como xogador desde entón.
Se continúa a liña da súa progresión, Rubén apunta a ser un dos centrais máis diferenciais da categoría.
Imos Rubén, esta é a túa tempada!!
ARENAL EMEVÉ, DOBREMENTE SUPER!!

Mario Dovale, segue no Arenal Emevé!

Publicado el por

MARIO DOVALE ( Líbero, 1998) seguirá unha tempada máis na Superliga Masculina de Voleibol da man do seu clube de toda a vida, o ARENAL EMEVÉ.
Mario encarna nunha soa persoa todas as preferencias do club, ata o momento, á hora de elaborar os planteis da próxima tempada: mocidade, xogador@s de canteira e/ou da Permanente da Selección Española.
Que máis se pode pedir?
Duro Mario, a por todas!! ⚔️

Iago Folgueira regresa ao seu clube e será xogador de Superliga 1.

Publicado el por

IAGO FOLGUEIRA regresa a un club do que realmente nunca se foi. Tras varios anos na Concentración Permanente da Selección Española en Palencia, Iago volve ao seu club de toda a vida para acompañarnos nesta nova tempada na Superliga.

A pesar da súa mocidade conta con experiencia na máxima categoría, ademais de ser habitual nas categorías inferiores da Selección Española, desde a Sub-14 á Sub-20.
Benvido de novo ó teu fogar, Iago. ⚔️
ARENAL EMEVÉ, DOBREMENTE SUPER!!

Javi García Taibo, segue no Arenal Emevé de superliga 1.

Publicado el por

Empezamos a semana con enerxía e cunha nova renovación. Nesta ocasión tócanos a grata tarefa de anunciar a continuidade de JAVIER GARCÍA.

Tras un ano no que unha lesión lle impediu demostrar do que é capaz, ben se merece a oportunidade de mostrar todo o que ten que achegar na SVM.
Aínda que, como non hai mal que por ben non veña, dita lesión descubriunos un excelente narrador de partidos nas nosas retransmisións de Streaming.
Este é o teu ano Javi, A POR EL!!!
ARENAL EMEVÉ, DOBREMENTE SUPER!!