Club Voleibol Emeve Página sobre el Voleibol en Lugo y su cantera.

O EQUIPO LUCENSE EMEVE RECIBE AO FAVORITO

Este sábado, 15 de novembro, ás seis da tarde terá lugar o encontro entre o C.V. Emeve e o CAI Teruel, correspondente á sexta xornada da Superliga Masculina, que se celebrará no Pavillón Municipal de Lugo, tras a presentación oficial dos equipos do C.V.Emeve.
Nesta ocasión os lucenses enfrontaranse ao, de momento, terceiro clasificado da táboa, pero que se perfila como o equipo favorito para gañar a Copa e a liga. Os xogadores do Emeve intentarán facer un bo xogo e que a xente goce co partido. A tempada pasada os partidos disputados contra o conxunto de Teruel foron disputados, tanto na ida coma na volta, e este ano intentarán facer o mesmo.

O CAI Teruel ten gran facilidade en todas as accións do xogo e a única forma de competir contra el, segundo indica o adestrador dos lucenses, Diego Campelo, «é apertar no saque, estar ben en bloqueo e a partir de aí intentar defender bólas».
Este partido tamén se poderá ver en streaming a través da páxina da federación española: http://directos.rfevb.com/

[hr]

O EMEVE BUSCA OS SEUS PRIMEIROS PUNTOS NO ENCONTRO DESTE SÁBADO

Este sábado ás 20 horas xógase no Pavillón Municipal de Lugo o encontro entre o C.V. Emeve e o Haro Rioja Voley, correspondente á sexta xornada da Superliga Feminina. Para as lucenses este partido preséntase como unha oportunidade para estrear a cuadrícula tanto en sets coma en posible obtención de puntos.
O equipo de La Rioja non coñeceu a vitoria ata o pasado fin de semana e estreáronse, nada menos, contra Avarca Menorca, gañándoo por un relativamente cómodo 3-1. O conxunto de Haroreestruturouse practicamente este ano, aínda que non por iso deixa de ser un equipo importante, as xogadoras que foi incorporando teñen calidade, pero faltaralles adaptarse. Cabe recordar que este equipo, non hai moito, conseguía alzarse con todos os títulos en xogo na máxima categoría nacional, pero todas as xogadoras que compoñían esa escuadra foron emigrando a outros equipos da máxima categoría nacional, entre elas a nosa veterana Pepo Garrido.

O equipo local espera dar un pasito máis na súa traxectoria desta tempada e disputar un partido no que conseguir ese primeiro set que parece resistirse ás lucenses. Para o adestrador do Emeve,José Valle, lograr ese set será unha motivación para as mozas xogadores lucenses, estivemos moi preto de gañar un set en tres dos catro partidos xogados e, aínda que en si non representa moito, talvez para as xogadoras sexa a oportunidade de quitar esa lousa e soltarse un pouco máis á hora de xogar».
Para este partido son dubidosas a Kaithlyn Skinner, que no adestramento do pasado sábado a ao mañá sufriu unha escordadura nun dos seus cóbados e Pepo Garrido por motivos laborais, aínda que o resto das xogadoras poñerán todo o seu empeño en suplilas coas mellores garantías posibles.

O EMEVE MASCULINO BUSCA A PRIMEIRA VITORIA DA TEMPADA FRONTE AOL’ILLA GRAU DE CASTELLÓ

O sábado espérase un encontro cun bo nivel de xogo e competido
O Pavillón Municipal de Lugo acolle este sábado ás 18 horas o encontro correspondente á cuarta xornada da Superliga Masculina de voleibol, na que se enfrontarán o equipo local, C.V. Emeve e oC.V. L’Illa Grau de Castelló. Seguidamente, serán as rapazas doEmevé, participantes na Superliga Feminina, as que disputen a súa cuarta xornada fronte ao equipo tinerfeño.
Este encontro espérase disputado, xa que os de Castelló a tempada pasada realizaron unha boa primeira volta e quedaron na táboa xusto por enriba do equipo lucense. O ano pasado os lucenses gañaron na casa e perderon o encontro disputado en Castelló, así que polo menos esperan que este sábado se volva repetir a vitoria e ofrecer un bo nivel de xogo.
Os de Castelló contan con xogadores que forman un bloque moi potente, a pesar de perder o seu xogador «oposto», Hernández, que fichou por Unicaja. Ao igual que os lucenses teñen un bo xogo cos centrais, por iso o equipo do Emeve espera poder despregar o seu xogo, que é o máis importante, e poder encontrarse como equipo que, en palabras do seu adestrador, Diego Taboada, «aínda lles custa un pouco».

O EQUIPO LUCENSE EMEVE FEMININO ENFRÓNTASE NA CASA A UN HISTÓRICO DO VÓLEY ESPAÑOL

O equipo galego espera seguir a súa progresión no xogo para loitar pola permanencia
O C.V. Emeve enfróntase este sábado ao C.V. Aguere de la Laguna(Tenerife), no encontro correspondente á cuarta xornada da Superliga feminina, que terá lugar no Pavillón Municipal de Lugo ás 20 horas, tras finalizar o encontro do equipo masculino.

Unha xornada máis as rapazas do Emeve deberán disputar un duro encontro na casa fronte a un dos equipos históricos do voleibol español. Para o adestrador lucense, José Valle, «este é un fin de semana importante, para subir un chanzo máis na nosa progresión. Ademais espero que xogando na casa, onde adoitamos render un pouquiño mellor, teñamos a opción de disputar todos os sets e, mesmo o partido».
O equipo canario reforzouse esta tempada coa incorporación de dúas centrais senegalesas e a colocadora Marte Fraile, que vén do equipo de Navarra. Nos primeiros encontros de liga logrou dúas importantes vitorias fronte ao equipo veciño de Ibsa Canarias e oExtremadura Regueiro, aínda que, ao igual que as lucenses, perderon fronte o Avarca Menorca, que como sinalou no seu momento o adestrador lucense, é un rival moi a ter en conta para poder entrar no play off.
Loita continua pola permanencia
O equipo local, o Emeve, vai mellorando pouco a pouco, aínda que sen vitorias polo momento, se van asentando na categoría, encontro tras encontro e esperan que este traballo se vexa reflectido no seu obxectivo para esta tempada, que é a permanencia. No partido do pasado fin de semana fixeron un primeiro set bastante completo fronte ao Miranda, pero despois foron perdendo consistencia no segundo e terceiro, xa que segundoJosé Valle «seguimos tendo problemas coa nosa contundencia á hora de finalizar os puntos», contundencia que esperan ter no encontro deste sábado.