Unha nova tempada está a chegar…
Vale perder?
ARENAL EMEVÉ PRESENTA:
UNHA TEMPADA DE PELÍCULA!!
Arquivos do autor: admin
Pepo Garrido, a estrela do Volei será a fisioterapeuta do Arenal Emevé,
MARÍA JOSÉ “PEPO” GARRIDO (Folgoso do Caurel) incorpórase como fisioterapeuta ao ARENAL EMEVÉ.
Cunha ampla traxectoria ás súas costas, Pepo é unha incorporación de luxo para o staff do noso club.
Iniciou a súa vida deportiva como xogadora de volei neste mesmo club, desde onde deu o salto a outros clubs de Superliga encadeando innumerables tempadas de éxitos.
Estes éxitos levárona tamén á Selección Española, onde debutou en 1999, con apenas 17 anos. Pepo foi unha das “culpables” da clasificación da Selección Española para disputar o seu primeiro Campionato de Europa.
Tras gañalo todo con capitá de Haro Rioxa, e tras unha grave lesión, decide volver ao noso club antes de terminar a súa carreira deportiva; compaxinando o seu labor nas pistas co seu traballo como fisioterapeuta no Ensino.
Pepo é, ademáis, a fisio da Selección Española Feminina de Voleibol. E agora @s nos@s #loitadores e #loitadoras poderán gozar dos seus coidados.
Benvida á túa casa, Pepo!!!
ARENAL EMEVÉ, DOBREMENTE SUPER!!
Inés Rivas, renovada.
INÉS RIVAS (1998) afrontará a súa segunda tempada connosco coa ilusión de xogar na Superliga Feminina e o reto de alcanzar a ansiada permanencia. Sen dúbida, Inés será peza crave para conseguir este reto colectivo. Xogadora de equipo achega tanto dentro como fóra da pista.
Duro Inés, a por todas!!!!
ARENAL EMEVÉ, DOBREMENTE SUPER!!
O poder da nosa doble Muralla: A de Lugo e a do Arenal Emevé.
O PODER DA MURALLA
O mellor elemento defensivo ante os ataques inimigos sempre foron as murallas, e en Lugo temos dúas das mellores.
A Muralla Romana, cunha lonxitude de 2266 metros, coroada por 85 poderosas torres, delimita o centro histórico.
E a muralla do Arenal Emevé, que conta con tres impresionantes torres (IAGO FOLGUEIRA, 197cm – RUBÉN LÓPEZ, 202cm – UCHENNA OFOHA, 205cm) para defender os 10 metros de anchura dunha rede de 2,43 metros de altura, e que delimita os nosos dominios das terras inimigas.
Esta tempada promete duelos de altura na rede, e acudimos a eles coa seguridade de acudir coas mellores tropas.
ARENAL EMEVÉ, SUPER-TEMPADA DE PELÍCULA!!
Coloquios na fase V.
Hoxe a nosa Presidenta, Bibí Bouza, participará en “Coloquios na Fase V” que se emitirá un directo na canle de Youtube de Comunidade Voley: https://t.co/BARKqf4BZ2
Se queres coñecer as últimas novidades do voleibol, tanto nas pistas como nos despachos, non podes perdelo.
Recepción no Concello. Recoñecemento ao Arenal Emevé polo ascenso á Liga Iberdrola.
RECEPCIÓN NO CONCELLO
Novo recoñecemento para nosas #loitadoras. Nesta ocasión foi o Concello de Lugo quen, a través da Alcaldesa Lara Méndez, do Concelleiro de Deportes Miguel Fernández, e acompañados de representantes do resto de grupos; recibiron a unha delegación do noso club formada polas xogadoras que conseguiron o ascenso á Superliga Feminina, xunto con técnicos e directiv@s.
Damos grazas ao Concello por este recoñecemento á vez que mostramos o noso orgullo por levar o nome de Lugo por todo o territorio español.
ARENAL EMEVÉ, DOBREMENTE SUPER!!